Uruguai, primer país en legalizar a mariguana

O senau uruguayo apreba, por 16 votos a favor y 13 en contra, a producción y a venda

mariguanaUruguai s’ha convertiu en o primer país d’o mundo en regular por lei a producción, a venda y o consumo d’a mariguana u cannabis. O senau aprebó ahiere, dimpués d’un largo debat, una mida que obtenió 16 votos a favor y 13 en contra. Agora l’ha de confirmar o president José Mujica, que ya feba mas d’un anyo que promoveba a iniciativa.

Cal decir que dende os anyos 1970 fumar mariguana yera legal en Uruguai, pero no cautivar y vender. Agora, con a nueva lei, o estau regulará tot o proceso de producción, distribución y venda d’o cannabis. Permitirá, asinas, que tot mayor d’edat que s’inscriba en un rechistro especial pueda cautivar seis plantas u crompar dica quaranta gramos mensuals en as farmacias autorizadas.

Con ista mida, que solament s’aplicará a os ciudadanos d’o país y no a os turistas y extranchers, o president quiere prebar una alternativa a la tradicional politica de luita contra as drogas. Agora, si no funciona, o gubierno s’ha comprometiu a revisar a norma.

Fuent: http://www.vilaweb.cat/noticia/4161299/20131211/luruguai-primer-pais-legalitzar-marihuana.html

Una rispuesta a Uruguai, primer país en legalizar a mariguana

  1. Pingback: Uruguai, primer país en legalizar a mariguana | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.