Vada en a Facultat d’Albeyteria

Bi ha convocada una manfestación a las 17.00 horas de hué dende dita Facultat.

A Facultat d’Albeyteria d’a Universidat de Zaragoza ha secundau a vada d’Educación. Os piquetz han tancau as puertas de totz os edificios deixando solo que una puerta ubierta por edificio, amás, os piquetz han obstaculizau con bicis o paso a las puertas ubiertas. Dende as siet d’o maitin os piquetz han estau recullindo sinyas contra os retalles en educación y informando a tot qui se bi amanaba d’a enchaquia d’a vada.

 

Os piquetz tamien s’han mirau d’aturar un autobús que partiba d’a Facultat a las 8 d’o maitin con motivo d’una cursa organizada dende antes de que se convocase a vada. O profesor organizador d’a cursa ha dito que no bi habria reprimendas contra os alumnos que no bi isen, pero que heba estau imposible cancelar-la ya que se tractaba d’una cursa a una explotación externa. Bells alumnos s’han baixau d’o bus, y atros no han plegau a puyar-ie.

 

Cacerolada en l'edificio Aulario

A las onze d’o maitin, s’ha encetau una cacerolada que ha recorriu diferents departamentos d’a Facultat, amás d’interrumpir a unica clase que se yera impartindo en toda la Facultat. Mientras a clase, o profesor, que s’ha declarau a favor d’a vada y que ha dito que solo feba clase porque os alumnos asinas le’n heban demandau, ha dau permiso a os piquetz ta que informasen d’o motivo d’a vada y ta remerar a os alumnos presents en l’aula que a l’atro’l anyo un curso con solo que asignaturas de primera matricla en ixa Facultat costará 5.000 €, y si se ye estudiant no comunitario, 10.000€. D’atra man, a carrera d’Albeyteria ye una carrera que cuenta con un gran numero de repetidors en cuasi todas as asignaturas, feito que fa puyar encara más as tasas.

 

Piquetz en os departamentos

A cacerolada tamien ha pasau por a Cafetería y por a Biblioteca y a Sala d’Estudeo.

Piquetz en a cafetería

 

A vada en a Facultat d’Albeyteria ha estau tot un exito, pues han estau bien pocos os alumnos que s’han amanau hué a la Facultat con intención d’ir a clase. Ta ista tardi ye convocada una manifestación que partira a las 17.00 horas d’a Facultat d’Albeyteria ta plegar en Plaza San Francisco a las 18.00 y unir-se aqui a la resta de colectivos universitarios ta continar chuntos ent’o Paraninfo.

Piquetz interrumpen una clase

Puerta de l'Edificio Aulario bloquiada con bicicletas.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.