Vergonya en Europa

Daniel Sánchez

Refuchiaus prebando d'entrar en una muga europea. Foto: Youtube

Refuchiaus prebando de cruzar por una muga europea. Foto: Youtube

Si fa pocos días nos enterabanos que países como Dinamarca u Suecia confiscaban biens d’os refuchiatos, agora tamién lo fa Alemanya ta pagar os gastos d’acullita.

Dimpués de muitas reunions d’os diferents menistros ta aconsiguir un alcuerdo ta repartir “quotas” de refuchiatos ya no ha tornato a saber-se-ne mica. Os estatos trancan as suyas mugas crebando lo tractato de Schenguen y vulnerando tractatos d’a ONU. Alemanya ye actualment un envasador con muitos refuchiatos aguardando nuevo destino.

O primer pais en trancar a suya muga estió Hongría perque o gubierno ultraconservador no quereba refuchiatos, asinas que la via d’acceso ta Europa cambió enta Croacia, Eslovenia, Austria dica Alemanya. Eslovaquia dició que no podeba acullir refuchiatos perque istos yeran musulmans lo que va cuentra la propia identidat cristiana d’o país. En Chequia pintan a los refuchiatos con colors como feban os nazis.

Tanimientres se ye creyando una bolsa que segurament esclatará, muitos refuchiatos son morindo en o mar cruzando dende Turquía en o camín per os Balcans per un suenio en Europa que nunca no veyerán.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.