Vertius ilegals mata peixes en o río Ancho en Mont Albán

Seguntes o Departamento de Medio Ambient d'o Gubierno d'Aragón, os vertius proceden d'una interpresa de plasticos en Escuita

Foto: https://www.flickr.com/photos/shht (CC-BY)

Foto: https://www.flickr.com/photos/shht (CC-BY)

Os vecins y vecinas d’a localidat minera de Mont Albán, han alertau de peixes y cancres muertos en o río Ancho, afluent d’o río Martín. Ya fa días que se veyen as auguas prou turbias y con diferents repuis.

O Departamento de Medio Ambient d’o Gubierno d’Aragón ha informau que se debe a vertius incontrolaus d’una interpresa de plasticos en Escuita. O departamento ha ubierto un expedient sancionador a la interpresa. As mesmas fuents informan que no i ha habiu gran mortandat de peixes, mas que mas barbols.

Hidrocarburos, metals y atros materials podrían estar os causants d’as muertes d’os animals. No i hai periglo pa l’abasteiximiento d’as diversas localidatz en no tomar as auguas d’o río pa ixa fin.

Ya en mayo a CHE detectó istos vertius en a interpresa y demandó a suya paralización. Manimenos, as zagueras plevias han puesto arrocegar istos días os contaminants ta iste tramo d’o río Ancho.

Una rispuesta a Vertius ilegals mata peixes en o río Ancho en Mont Albán

  1. Pingback: Vertius ilegals mata peixes en o río Ancho en Mont Albán » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.