Vettel, campión d’o mundo de Formula 1

Nomas le caleba 1 punto y en consiguió quince con o suyo tercer puesto

Vettel en Barcelona. Foto: Julien ReboulietVettel se convirtió ahiere en campión d’o mundo en quedar tercer en o G.P. de Suzuka (Chapón). No le caleba que estar deceno ta fer-lo. Asinas, Vettel consigue un nuevo mundial y un atro record, o bicampión más choven d’a historia, sacando-le-ne a Fernando Alonso, qui lo teneba dica agora.

A de Suzuka no estió a suya milor corrida, en quedar tercer por dezaga de Button y Alonso, pero estió prou ta ganar o mundial. Vettel continó con a suya trachectoria de toda l’anyada salindo primer y puyando t0o podium. Nomas a deixau de puyar-ie una vegada en lo que se leva de mundial.

O Red Bull ye, sin garra dubda, o millor auto agora mesmo en a Formila 1. Manimenos Webber no ha contrimostrau a rasmia de Vettel y habrá de barallar con Hamilton y Button (McLaren) y Alonso (Ferrari) por o segundo puesto d’o mundial. Le quedarán quatre corridas ta fer-lo: Corea, India, Abu Dabhi y Brasil. Tant y mientres Vettel podrá gronxiar-se con o suyo trunfo, estando matematicament campión.

Os numers de l’alemán son eslucernants. De 15 grans premios, en ha ganau nueu, ha consguie 12 pole-positions y ha feito podium 14 vegadas. Encara puet conseguir mas records, como o de piloto con más poles en una anyada, que agora tien Nigel Mansell, u igualar o de trunfos en una temporada de Schumacher.

O Equipo Red Bull podría fer-se matematicament con o titol de constructors en Corea, o venient circuito a on se correrá o 16 d’octobre.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.