Victoria contundent de Merkel

A CDU aconsigue o 41,5% d'os votos en una victoria historica y se queda rozando a mayoria absoluta. Os liberals y os euroescepticos, difuera d'o parlamento

Angela Merkel (Foto: CDU)

Angela Merkel (Foto: CDU)

A canciller Angela Merkel ha ganau con contundencia as eleccions alemanas. Con totz os votos escrutaus, fueras d’o voto por correu, a CDU de Merkel ha obteniu un 41,5% d’os votos, seguntes os sondeus, pero no podrá refer a coalición con os liberals, actuals socios, que por dos decenas no plegan en o tope d’o 5% d’o parlamento. Ixo sí, Merkel podría plegar a tener mayoría absoluta, seguntes o resultau d’o voto por correu. Si no l’aconsigue s’habrá de veyer con qui podrá pactar. O partiu socialdemocrata (SPD) ha obteniu un 25,7% d’os votos.

Caso que Merkel no plegase en a mayoría absoluta, podría repetir a gran coalición entre a CDU y a SPD como a que gubernó entre 2005 y 2009, pero dengún de totz dos partius no l’ha visto con buenos uellos, quan menos publicament, istes zaguers meses.

Unatra posibilidat sería formar un tripartito de cuchas, que seguntes os sondeus rozarían o 43% d’os votos: Die Linke, a Cucha (8,6%), Grüne, os Verdes (8,4%) y SPD (26%). Finalment os euroescepticos Alternativa por Alemanya (AfD), con un 4,7%, han quedau muit amán d’a barrera necesaria pa entrar en a camara.

I hai quí especula con una coalición entre os Verdes y a CDU, que efectivament podrían tener mayoría absoluta, pero pareixe poco probable. Con tot y con ixo, dengún de totz dos partius no ha negau ista posibilidat.

O parlamento y o gubierno resultants d’istes comicios definirán a politica europea d’Alemanya y, por tanto, en buena mida, de toda a Unión Europea, anguniada por una crisi economica profunda.

Fuent: http://www.vilaweb.cat/noticia/4145441/20130923/victoria-contundent-merkel.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.