Victoria d’a cucha alemana en as eleccions d’a Baixa Saxonia

O Partiu de Merkel pierde 6,5 puntos, pero ixo permite a os socios suyos en Berlín continar en o Parlamento Rechional

Angela Merkel (Foto: CDU)

Angela Merkel (Foto: CDU)

As eleccions en l’Estau alemán de Baixa Saxonia dioron un resultau achustau que da a una posible coalición de socialdemocratas y verdes a posibilidat de fer-se con o poder en un Parlamento que dica agora teneba a mesma mayoría que la existent en Berlón. O partiu más votau continó estando a CDU de Angela Merkel con o 36%, pero en a suya baixada de votos permite un cambio de mayoría.

Os socialdemocratas y verdes plegoron en 69 escanyos, debant d’os 68 d’os suyos rivals. Os primers estioron amán d’o 33% y podrán gubernar gracias a o sobrebuen resultau d’os verdes, que puyoron 5,5 puntos dende 2008.

A sorpresa d’a chornada estió protagonizada por os liberals. Igual como en atras zonas d’o país, os sondeyos no les daban en a campanya o 5% de votos que cal ta dentrar en o lechislativo. A la fin, ocurrió tot lo contrario. Tenioron o 10%. Os primers analisis d’a prensa alemana apuntan a un voto tactico de muitos votants democristianos que apostoron ista vegada por os liberals ta que podesen tener colla parlamentaria propia.

O Partiu Pirata se quedó en o 2% y alavez difuera d’o Parlamento. En a zaguer anyada, bells sondeyos plegoron a dar-le una intención de voto nacional d’o 7%, pero dende alavez ha perdiu refirmes. En Baixa Saxonia, o voto d’a cucha alternativa s’estimó más de agrupar-se en os verdes.

Os resultaus son malos ta Merkel, pero de cara t’as eleccions chenerals d’ista anyada le permiten más opcions ya que puet contar con repetir a suya alianza con os liberals en o caso de que os socios suyos repitan a ran nacional os resultaus de Baixa Saxonia.

Fuent: http://www.eldiario.es/internacional/Victoria-izquierda-elecciones-Baja-Sajonia_0_92740755.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.