Viedada una concentración en Zaragoza contra a participación d’o concello en o Corpus

A Delegación d'o gubierno espanyol diz que puet 'alterar a seguridat ciudadana'.

Imachen d'a concentración de 2011 (Foto: El Ventano)
Imachen d’a concentración de 2011 (Foto: El Ventano)

A Delegación d’o gubierno espanyol no ha dau permiso ta que se faiga una manifestación contra a participación d’o concello en os actos de celebración d’a fiesta cristiana d’o Corpus o venient 10 de chunio. Asinas lo ha denunciau MHUEL (Movimiento Enta Un Estau Laico), qui leva convocando iste acto de protesta mientres as zaguers quatre anyadas sin garra incident.

MHUEL ha quiesto remerar que, atras anyadas, nomás han protestau ‘en pasar a respresentación d’o concello, en silencio y con cartels con lemas como Aragón Laico , Estau Aconfesional , Zaragoza Laica , Concello Laico , Estau Laico u Concordato No’. Ye a primer anyada que o permiso s’ha denegau. En demandar explicacions a Delegación de Gubierno les han informau de que a manifestación podría ‘alterar a seguridat ciudadana’ y de que l’equipo de gubierno d’a Delegación ha cambiau.

Dende Delegación se les proposa que se faiga l’acto en a Plaza d’a Seo por a on que no pasa a Corporación Municipal, por lo que seguntes ista asociación ‘queda desactivau o motivo d’a suya concentración. MHUEL ha declarau que ‘queda asperando acontecimientos ta encetar as accions legals y social que creiga oportunas’.

Una rispuesta a Viedada una concentración en Zaragoza contra a participación d’o concello en o Corpus

  1. Ixo se dir fascismo y lo de as concentracions cristianas retardo cultural y espanto adquiriu

Responder a elninodelaselva Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.