Viena instala semaforos con parellas homosexuals

Aprofitando a gala d'Eurovisión, o 23 de mayo, a capital austriaca quiere amostrar-se como una ciudat ubierta a lo colectivo gay y, de vez, millorar a seguridat viaria

Foto: Vilaweb

Foto: Vilaweb

Viena se prencipia a aprestar t’a gala d’Eurovisión, que l’anyo pasau ganó a cantaire Conchita Wurst. Y lo fa d’unas trazas bien sorprendents. Meya centena de semaforos t’a peatons d’a ciudat incorporan dende ista semana as tipicas figura royas y verdas que marcan a posibilidat de travesar a carrera con parellas homosexuals. En concreto, hi apareixen parellas d’hombres y mullers agafaus d’a man y con corazons.

Con ista mida, a capital austriaca quier dar una imachen de tolerancia y de ciudat con mentalidat ubierta, aprofitando un d’os acontecimientos musicals de l’anyo y icono d’a diversidat. A campanya tamién coincide con a celebración de Life Ball, o principal acto en Europa de emparo a los afectaus de SIDA u VIH, y que se ferá en a mesma Viena, o 16 de mayo.

Con a iniciativa, o concello tamién aspera que tanto os guiadors como os peatons paren “más cuenta en os sinyals de trafico” y millore asinas a seguridat viaria.

Chusto iste zaguer obchectivo ye o que pretendeba unatra campanya d’a ciudat islandesa d’Akureyri, a on que as autoridatz cambión fa bell anyo os tipicos roldes luminosos por corazons.

Tamién prencipia a estar cutiano en bells puesto, como Sagunt dende 2007, a presencia de semaforos de peatons con siluetas femeninas, en una prebatina más de demandar a igualdat entre mullers y hombres.

Fuent: http://www.vilaweb.cat/noticia/4300547/20150513/viena-installa-semafors-parelles-homosexuals.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.