Villanueva de Galligo prencipia a estricallar a casa natalicia de Francisco Pradilla

Estió a casa d'un d'os millors pintors aragoneses d'o sieglo XIX. Beluns d'as suyas millors obras son en o Museu d'o Prado en Madrit

A rendición de Granada, de Francisco Pradilla

A rendición de Granada, de Francisco Pradilla

L’Asociación d’Acción Publica t’a Esfensa d’o Patrimonio Aragonés APUDEPA, atendió ahiere una queixa presentada por bells vecins de Villanueva de Galligo debant d’o empecipie d’os treballos ta esboldregar a casa natalicia – memorial d’o pintor aragonés Francisco Pradilla, “una d’as más grans glorias d’a pintura aragones”, seguntes l’asociación.

APUDEPA denuncia que “fa bells pocos diyas as tellas d’a casa s’han sacau de traza agresiva” y que en zagueras s’han sacau, tamién de malas trazas, dos placas conmemorativas mesas en memoria de l’artista por o Concello, la una d’as anyadas 20 y l’atra de 1998.

Si dengún no empacha que se faiga, Villanueva de Galligo va a esboldregar a casa natalicia – memorial d’o “más ilustre fillo d’o lugar”, con o consentimiento d’o Gubierno d’Aragón. “¿Qué será lo venient? ¿A casa natalicia de Goya en Fuendetotz?”, se pregunta APUDEPA.

L’asociación fa un clamamiento t’a sociedat aragonesa y ta D.Ch.A. ta que aturen as obras y se faiga de camín a catalogación de l’edificio. Antimás, creye que ye un eixemplo de l’estau d’a cultura y o patrimonio en Aragón.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.