Vinticinco anyos de conciertos por a oficialidat de l’asturiano

Ye una d'as citas anyals mas multitudinarias en defensa d'a luenga asturiana

concierto asturianoUna d’as citas anyals mas multitudinarias y historicas d’a reivindicación d’a luenga asturiana, o Concierto por a Oficialidat, fa vinticinco anyos. En iste tiempo, a Xunta pola Defensa de la Llingua Asturiana (XDLA) organiza cada anyo un concierto por a on han pasau, dica agora, una setentena de grupos en asturiano. En o Parque Anglés de Xixón, por eixemplo, hue tanyen os grupos N’arba, Felpeyu, La Tarrancha, La Bandina y os historicos Dixebra, amás d’o DJ Dani Stylo.

En paralelo con o concierto d’iste anyo, a XDLA ha feito l’enguero d’una exposición d’homenache sobre os vinticinco anyos, con totz os cartels y a historia.

A Xunta pola Defensa de la Llingua Asturiana se define como una organización social, independient y apartidista que tien como unico ambito d’actuación a esfensa d’a luenga asturiana y d’os dreitos lingüisticos d’as personas que charran l’asturiano.

A luenga asturiana, que no ye reconoixida oficialment en l’estatuto d’autonomía d’Asturias, tamién ye charrada en zonas de Lión y Zamora, amás d’o municipio portugués de Miranda do Douro.

Fuent: http://www.vilaweb.cat/noticia/4122838/20130608/vint-cinc-anys-concerts-loficialitat-lasturia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.