Wally y Arquimedes

Gonzalo González

Como si se tractase de Wally, cuesta localizar en a foto a las dos mullers interpresarias entre a multitut encorbatada d’a recient foto de Rajoy con os representants d’as organizacions empresarials. A Eurocambra ha demandau a la Comisión a presentar iniciativas lechislativas en 2012 que introduzcan quotas ta que as mullers aconsigan una presencia en os consellos d’administración d’o 30% en 2015 y un 40% en 2020. En pleno sieglo XXI l’interpresariau espanyol se permite mantener una politica de quotas masculinas d’o 95% que no amaneixen escritas en garra papel, pero no por ixo deixan d’estar eficaces quotas. Y acaban retrataus en situacions como ista.

Si se tractase d’una foto d’os organos executivos de qualsiquier partiu politico a imachen sería diferent, encara que tampoco estase paritaria. En l’estau espanyol as politicas d’igualdat han empecipiau a funcionar en politica, pero no en l’empresariau. A introducción d’as quotas en a lechislación electoral ha estau determinant. Si no i hai obligación legal, qui tien una posición dominant no facilita o cambeo. Pero i hai unatro factor: a constant exposición publica d’os partius a os ciudadans desiche pluralidat, bella cosa que no ocurre con os interpresarios.

A dreita gosa refusar as quotas trucando a o criterio de capacidat. Actualment, tanto en os partius como en as organizacions interpresarials i hai mullers y hombres igualment capables u inutils ta ocupar os puestos de mayor responsabilidat. Y si estasen honestos, reconoixerían que en a carambola de factors que influyen a la hora de trigar os suyos liders, a capacidat ye una variable mas en o millor d’os casos. Son as valors, a cultura corporativa y a resistencia d’os hombres a perder o control o que provoca a discriminación. Y encara que sone politicament incorrecto, como ha dito a ponent d’a iniciativa europeya, Sohia in’t Velt, “a verdadera igualdat solament s’aconseguirá si plegamos a tener tantas mullers incompetents como hombres incompetents en puestos de mando”. A la fin, tot ye tant sencillo como o prencipio d’Arquimedes que aprendiemos en a EChB: os interpresarios se resisten a l’empente d’abaixo enta alto igual a o peso d’o volumen d’os despachos que habrían de desaloixar. Asperar que os cambeos culturals se produzcan por arte de machia ye una inchenuidat u una forma de privar-los.

3 Rispuestas a Wally y Arquimedes

  1. La paridad impuesta por ley es un error: se te puede colar alguien poco apto (hombre o mujer) dentro del consejo… por ley.

  2. Hola carcediano, creo que habría que especificar que entendemos por poco apto, pero muchos consejos de administración están repletos de personas que no han sido nombrados por su capacidad sino por su influencia, posición, contactos, etc. Y así lo han demostrado sobradamente, solo hay que ver los lumbreras que había en los consejos de las cajas de ahorros con una gestión ruinosa. Con la paridad no se mejoran los sistemas de selección de los consejos en términos de capacidad, esa cuestión la tienen que resolver las empresas, sino en términos de pluralidad y representatividad. El problema actual es que existe una barrera que impide el acceso a la práctica totalidad de mujeres, lo hagan bien, regular o mal.
    Un saludo

  3. Sarsamarcuello

    juas juas!

    Me deciba un tipo, sindicalista mu royo!, que ixo d’a paridat ye una barbaridat… SI NO VALE NO VALE, SGA HOMBRE, MULLER O NUMERO DE L’OPUS DEI…

    Profés, pero a las veces nos xublidamos de que os puestos de responsabilidat en partius politicos, aadministracions publicas, interpresas, etc son plenos de bestiar, de chent inculta, necia, egoista, con escasa preparación, enchufada… PERO CUDIAU: SI MIRAS DE DISCRIMINAR POSITIVAMENT TA FER DENTRAR MULLERS EN PUESTOS DE RESPONSABILIDAT YE CUAN APARIXE O PELIGRO DE QUE I PLEGUEN PERSONAS NO APTAS U INEPTAS!!

    TIRAAAA!!!!!

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.