Walqa contará con a tecnolochía más enantada en postproducción

"Querebanos disposar d'a tecnolochía más enantada en post producción y estereoscopia 3D ta meter-la a disposición d'as interpresas".

Walqa (Foto: aragonhoy.aragon.es)

O Centro Publico Demostrador en Tecnolochías Audiovisuals, ubicau en o Parque Tecnolochico de Walqa, en Uesca, y chestionau por l’Instituto Tecnolochico d’Aragón (ITA), dependient d’o Departamento d’Industria y Innovación d’o Gobierno d’Aragón, contará con un Mistika HD, con modulo estereoscopico, un sistema de SGO, que será emplegau en a postproducción de contenius de referencia d’alta calidat obtenius con camaras profesionals cinematograficas o camaras d’alta velocidat tenendo especial cosiro en os aspectos estereoscopicos.

“Querebanos disposar d’a tecnolochía más enantada en post producción y estereoscopia 3D ta meter-la a disposición d’as interpresas. Sin dubda, a referencia entrenacional en o sector ye Mistika, que ye a más un producto desenvolicau por una interpresa espanyola. Por ixo, contaremos con una gara de treballo d’altas prestacións, tanto en edición como en captura y visualización 2D/3D, chunto con una licencia completa d’o software d’SGO”, explanica o risponsable d’a División de Tecnolochías Multimedia de l’ITA, Diego Romero.

A gara de treballo de Mistika será conectada a o fluxo de datos d’o centro por meyo d’un rete d’alta velocidat. De traza que compartir y distribuyir contenius se ferá d’a traza más rapeda y simple posible, fendo servir a infraestructura d’o centro. O proceso de postproducción ha estau cusirau a o maximo atendendo a todas as fases suyas. Ta la cheneración de contenius s’han teniu en cuenta as zaguers tecnolochías estereoscopicas con resolucións minimas de 2K por uello con camaras cinematograficas o FullHD con doble optica.

En quanto a la emisión d’os contenius “se puet fer servir una cabecera de TV d’altas prestacións, vier-los dreitament por meyo d’un proyector Barco™ 3D con audio 7.1 u bien emitir-lo en streaming adaptativo dende a infraestructura de servidors de conteniu d’os que disposa o Centro”, endica Romero.

Fuent: http://www.comarcas.es/index.php/mod.noticias/mem.detalle/idnoticia.6635/relcategoria./chk.a7387d944d444fa1bee9924d11ada0d1.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.