Wikileaks publicará 5 millons de correus-e de Stratfor, a “CIA en a uembra”

Entre os primers mails, bromas sobre José María Aznar, una lista de clientes de l'achencia, u información sobre a clasificación d'as fuents

Con a suya cara más reconoixible, Julian Assange, de chudicio y dimpués de quantos meses sin publicar cosa, Wikileaks torna ta la actualidat con a publicación de más de 5 millons de correus-e de Stratfor, una achencia d’espias privada a la que la organización acusa d’estar a o servicio d’os intreses de l’administración d’Estatos Unitos ta fer os triballos que as achencias oficials no pueden fer. Wikileaks ha clamau a istos correus-e The Global Intelligence Files, y como en casos anteriors, se publicarán china chana en a web d’a organización. Tamién, como en atras ocasions, Wikileaks ha plegau a alcuerdos con bells diarios ta la suya publicación, como o diario espanyol Publico, l’italiano La Reppublica u lo mexicano La Jornada.

Los mensaches d’Stratfor, seguntes Wikileaks, fan publicas os triballos d’a interpresa, o suyo rete de colaboradors y as tecnicas ta blanqueyar diners.O fundador de Wikileaks, Julian Assange, ha dito que a interpresa “ye una achencia d’intelichencia que pende d’o gubierno d’os EE.UU., achencias foranas y periodistas”. Amás, Stratfor ufre servicios ta atras interpresas y achencias militars d’os EE.UU. Dende la interpresa, o suyo director, George Friedman, ya dició fa bells meses que teneban conoiximiento d’ista filtración, pero que “qui aspere o sinyal d’una gran conspiración no trobará cosa“.

Entre os primers documentos filtraus, bi’n ha bells correus sobre l’ex-president espanyol, José María Aznar y as suyas charradas sobre inmigración, os criterios ta ser considerau una fuent valiosa en a organización, información sobre a oposición siria y a suya adscripción ideolochica. Tamién entre os primers mails, una lista d’os suyos clients, u de bells d’ells, directivos de Bank of America, ITT, Duke Energy, u la Universidat de Georgetown. Curiosament, muitos d’ells, no han cambeau a clau por defecto “changeme” (cambea-me), t’acceder a la parti privada d’a web de Stratfor.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.