Wikileaks zarra temporalment

A la web le calen diners ta continar entadebant

Wikileaks ha habiu de zarrar, a lo menos por agora, debiu a la manca de diners. O bloqueyo feito por Visa, MasterCard, PayPal u Western Union ha consguiu que o 95% d’as donacions que gosaban tener ya no les pleguen.

Iste anuncio lo fació o suyo fundador Julian Assange en Londra. Seguntes as suyas parolas, a Wikileaks le calen 3,5 millons d’euros ta poder continar fendo o suyo treballo. Si en 2010 replegaban bells 100.000 euros a lo mes, ista anyada a cantidat nomás plegaba en 7000 euros.

Wikileaks se fació famosa por fer publicos documentos secretos de gubiernos y d’a diplomacia internacional, asoben con contenius que les comprometeban. Isto fació que tanto os propios gubiernos -más que más o de EE.UU. seguntes Assange- como entidatz bancarias haigan decidiu de fer-les iste boicot conseguindo, a lo menos por agora, que Wikileaks reble.

Julian Asange remane agora en Londra acusau de delitos sexuals y con ordens d’extradción pedients sobre ell.

Una rispuesta a Wikileaks zarra temporalment

  1. Charraban bels meyos de “supuesto boicot”. Que asepticos sapen estar a destiempo!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.