Wikipedia trancará tot un diya ta protestar contra a lei antipiratería d’os EE.UU.

Afectará maitín dende as siet d'o maitín a la versión en anglés d'a enciclopedia.

Logo de Wikipedia

‘Aviso t’os estudiants! Rematatz antis con antis os quefers. Wikipedia trancará iste miercols contra una lei maligna’, iste ye o tweet que feba ahiere o fundador de Wikipedia, Jimmy Wales, anunciando que a enciclopedia ubierta, que en a suya versión en anglés tien una meya de 25 millons d’usuarios diyarios, trancaría vintiquatre horas dende maitín miercols a las siet d’o maitin, en a nuestra hora. D’ista traza se adhiben a más webs norteamericanas que protestan contra a lei SOPA (Stop Online Piracy Act), a lei que o congreso d’os EE.UU. planteya ta bloqueyar webs que tiengan contenius protechius por dreitos d’autor.

En o comunicau que ha feito, Wikipedia explica as razons d’o cierra. Considera que si ista lei tira enta debant, u a lei PIPA (Protect IP Act), contra la que tamién protestan, tendría conseqüencias ‘d’esferra’ t’a libertat d’internet. Más de 1800 viquipedistas han discutiu istos tres zaguers diyas sobre si cal protestar contra istas leis, y han preso a la fin ista decisión. A edición en anglés de Wikipedia informa tamién que en atras luengas, como italiano y alemán, incluyirán banners informativos y de protesta contra istas leis antipiratería, encara que continará ubierta a edición. Y convida a las edicions en atras luengas a fer o mesmo.

 

Fuent: http://www.vilaweb.cat/noticia/3972128/20120117/wikipedia-tancara-protestar-llei-antipirateria-eua.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.