Wikivoyage, a guida de viaches gratuita

O portal se nutre d'as aportacions y edicions d'os internautas

wikivoyageA fundación Wikimedia, creyadora d’a enciclopedia online Wikipedia, enguera hue Wikivoyage, una guida de viaches mundial, libre y gratuita. Igual como a enciclopedia, se va ixamplando con as aportacions y edicions d’os colaboradors internacionals, denominaus ‘wikivoyagers’.

Os articlos d’a guida contienen información practica sobre os destins, como por eixemplo a situación, puestos d’intrés, a historia u os restaurants. A pachina ye escrita en ueito luengas, pero por agora en catalán y aragonés no, sí en castellano.

O fundador d’a Wikipedia, Jimmy Wales, diz que, igual como en a resta de prochectos, no i hai garra negocio dezaga y a web no’n tendrá brenca de publicidat. De feito, os creyadors han demandau a usuarios y interpresas que no faigan servir a portalada como plataforma publicitaria.

Iste puesto ye desembolicau con a ferramienta de codigo ubierto Mediawiki, que permite a todas personas creyar, actualizar y modificar os articlos. Amás, como totz os prochectos d’a fundación, ye de licencia Creative Commons, con que os usuarios pueden compartir qualsiquier conteniu con a correspondient reconoixencia.

O prochecto estió acceptau por a companyía en agosto de l’anyo pasau. Dica agora, s’han revisau os articlos y s’han rematau detalls, pero a fundación ya penchó una versión de preba en noviembre.

Fuent: http://www.vilaweb.cat/noticia/4073921/20130115/wikivoyage-guia-viatges-gratuita.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.