Wizi fa un bono especial ta navegar mientres as Fiestas d’o Pilar

Igual como l'anyo pasaiu, os responsables municipals han feito publica a ufierta de navegación ta iste 2012. Asinas se preba de puyar o numer d'usuarios que hue ye de 5000

logoCon a enchaquia d’as Fiestas d’o Pilar, Wizi Zaragoza, o rete municipal, ha deciciu de facilitar l’acceso a internet a totz os zaragozanos y visitants, ufrindo un bono especial de 4 euros dende o diya 6 d’octobre. D’ista traza, qualsiquier podrá estar conectau con os suyo dispositivos movils en o mel meyo d’a carrera gracias a los 462 puntos de conexión que hue bi ha en a ciudat. “Ye un servicio bien util t’os visitants d’ixos diyas como t’os que i viven”, sinyalan dende o Concello de Zaragoza.

Agora mesmo, Wizi permite a los suyo usuarios – totz de pago- enchegar-se a Internet por nomas 30 euros anyals sin garra mena de entrepuz cuanto a descargas y navegación pertoca. Un servicio que ye estau muito bien aculliu y que preba de continar amostrando os suyos puntos esferenciadors con campanyas especials como la que agora fa t’as fiestas d’o Pilar.

O bono podrá mercar-se dende o diya 6 a traviés d’o espacio web de Wizi y dende os espacios publicos de conexión mirando o sinyal wifi de milla dichital. O director cheneral de Sciencia y Tecnolochía  d’o Concello de Zaragoza, Ricardo Cavero, ha asegurau que “istos bonos tan baratos pueden facilitar a zaragozanos y visitants a la hora de gronxiar-se más intensament con os actos d’as fiestas d’o Pilar y con l’ocio y a cultura d’a ciudat, ya que pueden estar terne que terne informaus nomas mirando-se o movil”.

Antimás, dende Eurona Telecom, interpresa que chestiona o servicio, han remerau que iste tamién tien fixaus una serie de pres especials – mientres toda l’anyada- ta esqueferaus y chubilaus, dos sectors de población que pueden enchegar-se t’o rete por 15 euros anyals.

 

Fuent: http://www.aragon2.com/n-20279-3-Wizi_lanza_bono_especial_navegacion_para_Fiestas_Pilar

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.