XX Fiesta d’o crespiello en Balbastro

Más de 10.000 crespiellos se darán en a Plaza d'o Mercau de Balbastro

cartelO crespiello, un postre bien tradicional, feito a partir de fuellas de borraina, será o protagonista iste domingo 17 d’a vintena edición d’a Fiesta d’o crespillo en Balbastro. A fiesta arroclará a 70 voluntarios que ferán más de 10.000 unidatz d’ista laminería, que se feba tradicionalment ta aprofeitar tamién as fuellas d’a borraina.

A fiesta ye organizada por o “Grupo Tradiciones” y se ferá en a Plaza d’o Mercau, a on que, dende meyodiyas se darán de baldes crespiellos a qui se i pase. Os “Dulzaineros de Barbastro” tamién i serán alportando a suya mosica t’a fiesta.

Antimás, ista anyada la Cofradía d’a borraina y o crespiello de l’Asociación gastronomica de Zaragoza ferá un reconoiximiento a Antonio Cosculluela, alcalde d’a ciudat y a Elita Davias, presidenta d’o Grupo Tradiciones, por a suya faina en promocionando a borraina.

Ta parar os 10.000 crespiellos caldrán 60 dotzenas de uevos, 70 kilos de farina, 75 kilos de zucre, 20 litros de leit, 140 de aceite d’oliva, 8 botellas d’anís, 20 caixas d’emprenyatura, 15 caixas d’augua de foraus y meyo kilo d’anís en grano, antimás de quasi 10.000 fuellas de borraina y cientos de fuellas d’espinais.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.