Y en o nueno mes, l’ature baixó. 385 aturaus menos en Aragón

O dato, manimenos, no ye positivo, en contimparanza con atros meses d'abril, seguntes o propio ministerio espanyol de Triballo

Oficina de l'INAEM en Zaragoza (Foto: Aragón Sostenible)

Oficina de l'INAEM en Zaragoza (Foto: Aragón Sostenible)

Os datos d’o ministerio d’emplego espanyol amuestran una baixada de l’ature en Aragón en o zaguer mes d’abril. 385 aragoneses han deixau d’estar rechistraus en l’INAEM. Sin dembargo, a secretaria d’Estau d’emplego espanyola, Engracia Hidalgo, ha reconoixiu que o dato no ye bueno, encara que amuestre una baixada de 6632 personas en Espanya. No ye que un 10% d’o que baixó ixa zifra en o mesmo mes de l’anyo 2011. De todas trazas, ye a primer vegada en nueu meses que o dato d’ature no puya.

Por demarcacions provincials, mientres que l’ature baixó en Zaragoza y Teruel, en Uesca ha feito una chicota puyada, arrocegau por a fin d’a campanya d’hibierno y esquí. Pero o dato ye, de nuevas, mentirol, en Aragón bi’n ha un 11% más d’aturaus que fa un anyo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.