Ya se conoixen actos d’o cabo d’anyo d’o Compromís de Caspe

L'anyada venient se ferán seis sieglos dende o Compromís de Caspe, alazetal en a historia aragonesa.

O Comité Executivo d’a Comisión Aragonesa t’a Conmemoración d’o Compromís de Caspe 2012 se ha reuniu en o Plenario ta enantar sobre as diferents actividatz que se organizarán t’a celebración d’o seiseno sieglo dende a firma d’a Concordia d’Alcanyiz, en febrero de 1412.

O comité, presidiu por a consellera d’Educación, Universidat, Cultura y Esporte, Dolores Serrat, o president d’as Cortes, José Ángel Biel y o Chusticia Fernando García Vicente, ye estay treballando en fer un amplo programa d’actividatz que se ferán mientres os primers seis meses de 2012.

Serrat ha sinyalau que iste programa “ye pensau ta que plegue en todas as cantonadas d’Aragón” y ha destacau como s’han embrecau y colaborau institucions y organismos como as Cortes, os concellos de Caspe y Alcanyiz, IberCaja, l’asociación d’amigos d’o castiello de Caspe, a Universidat de Zaragoza, a redolada de Baixo Aragón – Caspe u lo centro de estudios d’a redolada d’o Baixo Aragón.

Un d’os actos central será o XIX Congreso internacional d’a Historia d’a Corona d’Aragón. Ista trobada, que se celebrará baixo lo titol de “O Compromís de Caspe. (1412), Cambios dinasticos y constitucionalismo en a Corona d’Aragón” se ferá dende o 27 dica o 30 de chunio en Zaragoza, Alcanyiz y Caspe. Mientres istas chornadas se achuntarán profesors y especialistas d’Espanya, Italia, Francia u Grecia, entre atros. O congreso coincidirá, antimás, con a fin d’as obras de rehabilitación d’o castiello de Caspe.

A mosica tamién i será present con os conciertos de Los Ministriles de Marsias, La Cantoría Hispánica y La Antigua Capilla Hispánica. Istas actuacions se ferán en scenarios vinclaus dreitament con istos feitos historicos, amostrarán a mosica que acompanyaba as ceremonias d’a coronación d’os Reis d’Aragón. A ONCE ha editau, antimás, un cupón conmemorativo d’o Compromís de Caspe que se sorteyará o venient 28 de chunio.

Una exposición itinerant por os municipios aragoneses, un ciclo de charradas, chornadas sobre pleitinas politicas, trobadas literarias, a edición d’un comic u representacions de teyatro d’o Compromís, son belunas d’as actividatz que completan a programación que se zarrará en a venient comisión cara la fin d’aviento.

 

Fuent: http://www.aragon2.com/n-14472-3-aniversario_Compromiso_llegara_todos_rincones_Aragon

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.