Ya tenemos ganadors d’o concurso Prou, Prou luen

Dimpués de muitos diyas de votacions (y muitas votacions), ya tos podemos amostrar as cinco fotos que han siu as millor votadas de totas. Como ya esplanicamos en o suyo diya son as cinco primeras fotos saltando as que sigan d’o mesmo autor. As cinco fotos, o millor, as cinco presonas que han feito as fotografias, tendran o suyo eixemplar de “Prou, prou, luen” y se contactara con ells ta veyer de fer-se-lo plegar. Muitas gracias a totz por partecipar-ie ninviando fotos y votando-las.

Mos hese feito goyo poder tener premio ta totz os que hetz partecipau, porque a calidat d’as fotos yera sobrebuena. Mientres que aqui tos deixamos con as cinco fotos que han ganau o libro, tamién podetz vesitar totas as atras mientres iste Nadal. De feito, somos pensando si fer una exposición con totas istas fotos, pero en primeras tos habremos de demandar permisos, asinas que mos meteremos en contacto unatra vegada con vusatros ta veyer si podemos fer bella cosa pincha con os vuestros triballos.

Muitismas gracias de nuevo por partecipar en o primer concurso que paramos.

Primer Puesto

Venezia. Foto: Cristina Sanz

Venezia. Foto: Cristina Sanz

Arco de Sant Chuan en Venezia. Ista foto d’o Canal Grande ye feita dende o Ponte degli Scalzi. A yo me impresionó iste puesto ya que estió o primero que veyé cuan salí d’a gara en Venezia y paré cuenta que ya yera astí

Segundo Puesto

Jokulsarlon. Foto: Lara F.A.

Jokulsarlon. Foto: Lara F.A.

Ye en Islandia,Jokulsarlon, una balsa an plegan os icebergs que se quebran d´un neb¡vero de gran mesura ( alto u baxo como o Pais Basco). yera increyible!!

Terceno Puesto

L'Aínsa. Foto: Alvaro Larraz

L'Aínsa. Foto: Alvaro Larraz

L’Ainsa ye una tardada d’iste estíu, feita dende o costao dreito do rio.

Quarto puesto

Caballos en Auguastuertas. Foto: Lydia Compais

Caballos en Auguastuertas. Foto: Lydia Compais

Cinqueno Puesto

Annecy. Foto: Gerardo López

Annecy. Foto: Gerardo Gimeno

Villa d’Annecy en os alpes franceses, a la fin de l’aguerro de 2010 quan ya heban meso as lucetas de nadal.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.