Ya ye aquí l’agüerro (y II)

Eduardo Lolumo

Si l’atro diya charrabanos de Sant Miguel y a durada d’o diya, huei tos quiero esplanicar unatra mazada sobre iste afer. A mazada ye ista “Por Marzo y en Setiembre, a las seis amanece y a las seis atardece“. Ista ye muit curiosa, porque amás d’incidir en a paridat d’a duración de diya y nueit, mos da información sobre o desfase sobre l’horario solar que tenemos en l’actualidat.

Totz podetz comprebar como istos diyas amaneixe y se fa de nueitz arredol d’as 8. Dos horas más tardi d’o nuestro horario solar. Isto da pista que a nuestra mazada ye, a lo menos, anterior a 1918, que ye quan que se instauró en Espanya ista mida horaria.

Pero en o fundo, as dos mazadas, resumen una realidat observable, empirica, sin dar explicacions d’o porqué (cosa que as mazadas no gosan de fer) pero describen una realidat astronomica que, de seguras, intresaría no nomás por o feito astronomico en ell, que por a importancia que tendria t’a vida cutiana: mayor u menor presencia de luz natural ta triballar, l’esvielle d’as fuellas d’a mayor parti d’os arbols, a temperatura d’o diya…

Huei, mas preocupaus por atras cosetas, s’ha detectau que en dentrar l’agüerro, y sobre tot, en tener menos tiempo d’insolación, o que s’accentúa son os sintomas d’as presonas que tienen depresión, ansiedat u insomnio…Igual belún u beluna tos animatz y enamplatz o refranero con ista nueva realidat.

2 Rispuestas a Ya ye aquí l’agüerro (y II)

  1. Treballando en o campo l’agüerro no ye pas una época trista… ye verdat que bi ha menos luz, pero os arbols se plenan de una color y un fuego que se te mete n’o esmo.

    A más a más a chent que tienga güerto sape que remata a temporada dixando a falsa y o reboste plenos de birolla y l’animo pleno de satisfación.

    Ixo si, ya me creigo que en zgz sigaz cheposas y cheposos prau cerca d’a depresión ;P

  2. Yo no tiengo huerto, pero como aficionato a la fotografía, l’agüerro ye de las millors epocas que i hai. Insomnio, en tiengo fa anyos, rai que sía agüerro u vrano, e deprimir-me… pos no i hai cosas pa deprimir-se antes que per menos horas de luz 😀

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.