Ye muerto Mohamed Abdelaziz, president d’a RASD y secretario cheneral d’o Frent Polisario

Murió a los 68 anyos en un hespital alcheriano.

Foto: Wikipedia

Mohamed Abdelaziz (Foto: Wikipedia)

Lo 31 de mayo, de tardes, murió Mohamed Abdelaziz, secretario cheneral d’o Frent Polisario y president d’a Republica Arabe Saharaui Democratica (RASD). Dimpués d’una larga luita contra un cancer, Abdelaziz feneixió a los 68 anyos en un hespital d’Alcheria.

La Frent Polisario anunció 40 días de duelo y aprecisó que lo succesor d’Abdelaziz, qui ocupaba lo cargo dende 1976, será trigau en un congreso extraordinario que se fará quan remate lo periodo de duelo.

Abdelaziz esdevenió lo secretario cheneral d’o Frent Polisario en un congreso extraordinario que tenió lugar en agosto d’o 1976. Substituyó a Mustafà Said Al Uali dimpués d’a suya muerte en combate. En octobre d’ixe mesmo anyo, Abdelaziz estió esleyiu president d’a RASD y continó en o cargo dica la suya muerte.

La RASD, que fa parte d’a Unión Africa, ye estad reconoixida per 85 estaus, pero no pas por Espanya.

Un país a descolonizar

Lo 14 de noviembre se complió 35 anyos d’a salida d’o estau espanyol d’os territorios d’a RASD. Dimpués d’a salida d’os espanyols, los saharauis proclamoron la suya independencia, pero la invasión marroquina provocó un conflicto que encara ye luent de resolver-se.

Lo país estió considerau como una parte d’o territorio espanyol dende 1884 dica 1976. Considerau a partir de 1934 como una provincia espanyola mas, veyió dispertar la consciencia nacional d’os suyos habitants entre los anyos 1970. Estió en 1973 quan lo grupo de resistencia Frent Polisario empecipió la luita contra los colonizadors espanyols. Lo estau espanyol reconoixió lo dreito d’autodeterminación d’o pueblo saharaui en 1976, pero permitió que los marroquins y mauritanos los invadisen ixe mesmo anyo.

La invasión encomenzó quan Marruecos ninvió a 300.000 civils contra las buegas d’o Sahara Occidental en 1975. En aquellas envueltas, lo dictador Franco yera amanau a morir, y estió lo nuevo rei Chuan Carlos I qui signó l’abandono d’o territorio a pesar d’os dreitos d’os suyos habitants.

Fuent: http://www.jornalet.com/noticia/6888/mort-de-mohamed-abdelaziz-president-de-la-rasd-e-secretari-general-del-front-polisario

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.