Yuste demanda a lo gubierno espanyol que recupere o tapiz de Roda

O diputau considera que cal a mediación internacional ta recuperar ista pieza d'o patrimonio historico-artistico aragonés que plega d'estar trobada dimpués de furtar-se fa más de 30 anyadas

O diputau Chesús Yuste en o Congreso (Foto: CHA)

O diputau Chesús Yuste en o Congreso (Foto: CHA)

Chesús Yuste, diputau de CHA por “A Cucha d’Aragón”, presentará bellas iniciativas parlamentarias demandado a Jose Ignacio Wert, ministro espanyol de cultura, que s’intrese por a recuperación d’ista parti d’o patrimonio aragonés furtau en 1979 por Erik o belga, chunto a atras importants piezas. En ista ocasión ye una pieza trobada en Houston (EE.UU.): un tapiz que vien de Roda d’Isabana

“Por iste motivo y por as implicacions internacionals de l’afer, cal que o gubierno espanyol s’embreque tamién en ista qüestión“, afirma Yuste, qui remera que “no ye un caso excepcional ya que fa poco s’ha tornau a preguntar sobre atra parti d’o patrimonio aragonés subastau de traza irregular en Alemanya”. “L’obchetivo ye que dende as institucions publicas se faigan as actuacions que calga ta conseguir que tornen istas piezas ta l’espacio orichinal a on que yeran: a catedral de Roda d’Isabana”.

As preguntas presentadas chiran arredol de si bi ha actuacions previstas ta recuperar ista y a resta de piezas furtadas d’a catedral y quals serán y sobre os mecanismos intergubernamentals que se piensan meter en marcha.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.