Yuste preguntará en o Congreso espanyol por a protección de l’aragonés y o catalán

O diputau de CHA rechistra una pregunta t'o ministro d'Educación, Jose Ignacio Wert, preocupau por a situación d'aragonés y catalán, y a nueva lei de no-luengas.

O diputau Chesús Yuste en o Congreso (Foto: CHA)

O diputau Chesús Yuste en o Congreso (Foto: CHA)

Chesús Yuste, diputau de CHA por a “Cucha d’Aragón”, ha demandau a comparecencia d’o Ministro espanyol d’Educación y Cultural con l’obchetivo d‘informar sobre a protección d’as luengas d’Aragón.

O diputau remera a lo gubierno espanyol que tien una obligación con l’aragonés y o catalán, ya que sinyó a Carta Europa d’as Luengas Minorizatas que tamién compromete a la esfensa y protección d’a realidat trilingüe aragonesa.

Yuse ha presentau una iniciativa parlamentaria a on que se demanda explicacions t’o ministro Wert arredol de l’aplicación d’os compromisos presos en sinyando a debandita Carta d’as Luengas. En a iniciativa fa referencia a lo prochecto de Lei de no-luengas d’o gubierno d’o PP-PAR a on que “niega a propia existencia d’as luengas” no nombrando-las y s’inventa “denominacions si refirme scientifico”.

Tamién remera que o gubierno espanyol ha de fer informes  sobre a situación d’as luengas en tot l’estau por os compromisos d’a Carta Europea d’as Luengas minorizatas y que a suya obligación va dillá de reconoixer a suya existencia. Antimás habría de prener midas ta empentar y protecher ixe patrimonio cultural aragonés, como avisan dende a UNESCO y o Consello Europeu d’as luengas minorizatas, arredol de l’aragonés en periglo grau de desapareixer.

Una rispuesta a Yuste preguntará en o Congreso espanyol por a protección de l’aragonés y o catalán

  1. Gracies a que hi ha un diputat de chunta al congres, ha pogut fer-se aquesta questio al congres espanyol, gracies desde la matarranya

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.