Zagueras obras d’a XVIII Muestra de Tiatro d’Andorra 2011

O venient diya 30 rematará a muestra de teyatro

Imachen d'una d'as obras Plegan as zagueras obras que se representarán en a XVIII Muestra de Tiatro d’Andorra que prencipió o 26 d’agosto con l’actuación d’a companyía Vol Ras en l’obra Canguelis. Istas chornadas de tiatro, que cheneralment cuentan con gran afluyencia de publico, son ya tot un clasico dentro de l’ampla ofierta cultural d’a villa minera, que ha sabito organizar ista intresant muestra cada anyo con más encierto que l’anterior. En ista edición, antimás d’a citada Canguelis, se ha representau a obra O Sinyor Ibrahim y as Flors d’o Corán, por a companyía Uroc Teatro, una polita historia d’amistanza y tolerancia entre esferents culturas.

O ciclo contina iste viernes 23 de setiembre con a representación d’a obra  L’Hora Imperio representata por a companyía Tornabis. Ye a historia d’a Orquesta Imperio que ha cayito en decadencia y gran parti d’os suyos mosicos han desertau quedando tan solo o cantaire, o pianista y o amo heredero d’a orquesta. Se tracta d’una obra musical que despertará os recosiros d’os lolos y mostrará a os chovens a sensibilidat d’as canciones d’o pasau.

Pero a XVIII Muestra de Tiatro d’Andorra rematará o diya 30 de setiembre con Os Mosicos d’o Titanic d’a companyía Che y Moche, una comeya de l’absurdo contra lo topico, d’o riso contra os prechuicios y con una mosica intrepretata por os mesmos actors. Una visión orichinal y divertita d’o más famoso d’os trasatlánticos.

Istas dos zagueras obras se representarán en o espacio escénico d’a Casa d’a Cultura d’Andorra, as dos en as 20:30 horas y con un pre de 6 euros. As dentradas se pueden mercar en o Patronato de Cultura y Turismo d’Andorra (Casa de Cultura).

Fuent: http://culturandorra.blogspot.com/2011/08/agosto-andorra-es-escena-arte-teatro.html

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.