Zaguers diyas ta votar os Premios d’a Mosica Aragonesa

Os premios ferán iste anyo a suya XV edición. Os ganadors se conoixerán en a gala que se ferá en Marzo en Zaragoza

Bells candidatos de l'anyo pasau (Foto: PMA)

Bells candidatos de l’anyo pasau (Foto: PMA)

Dica o 15 de chenero encara queda tiempo ta poder votar en as diferents categorías a os millors mosicos y artistas d’Aragón que se premiarán en a XV edición d’os Premios d’a Mosica Aragonesa, organizaus por a entidat Aragón Musical, con o refirme d’o Concello de Zaragoza, Bieras Ambas y Covah soniu y iluminación.

As votacions se pueden fer en a web premiosdelamusicaaragonesa.com. Como novedatz, estianyo s’ha sacau a categoría de Millor Web, por coincidir prou a soben con la de Mayor Refirme, y se’n ha meso unatra nueva a on que, baixo o titol de “atras mosicas“, o churau votará sobre estilos mosicals por un regular ausents en a resta de premios, como en son o jazz u a mosica clasica.

Ta informar-se y remerar lo que ha pasau mosicalment en Aragón iste 2013, os organizadors recomiendan repasar as revistas mensuals de Mondo Sonoro Aragón y o portal Aragón Musical, antimás d’estar a la tisva d’os retes socials seguindo o hashtag #XVPMA.

A gala d’os XV premios d’a mosica aragonesa se ferá o 17 de marzo en o Teatro Principal de Zaragoza, como se ye fendo en as zaguers edicions.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.