Zaplana, posible nuevo president de RTVE

O gubierno espanyol estudea o nombramiento de l'ex-president d'a Generalitat Valenciana, seguntes esferents publicacións.

Eduardo Zaplana (Foto: Wikipedia)

Seguntes publica o diario catalán Vilaweb, l’ex-president d’a Generalitat Valenciana, Eduardo Zaplana, actual directivo de Telefónica, podria estar o venient president de Radio Televisión Espanyola (RTVE). Seguntes informan quantas publicacións espanyolas, Mariano Rajoy estudea la posibilitat de nombrar-lo ta iste cargo, que agora ye vuedo, dimpués d’a dimisión o mes de chulio de l’atro anyo d’Alberto Oliart.

Zaplana ye actualment adchunto t’afers europeus a o secretaire cheneral de Telefónica. Dimpués de deixar a presidencia d’a Generalitat Valenciana, o 2002, ocupó cargos d’importancia en o gubierno de José María Aznar: ministro de Treballo y vocero de l’executivo. Dimpués, ya en a oposición, fuó vocero d’o PP entre o 2004 y o 2008.

Un d’os diarios que hué fabla d’a posibilidat de que Zaplana ocupe a presidencia de RTVE, o Diario de Sevilla, diz que o PP aspera disposar d’o refirme d’o PSOE ta nombrar-lo por meyo d’a creyación d’una comisión en o congreso.

Atros d’os nombres que s’han sentiu en zagueras como posibles presidents de l’ente son os de Francisco Marhuenda, director de La Razón; Gloria Lomana, risponsable d’informativos d’Antena 3; Ángel Expósito, ex-director d’ABC, y Carlos Dávila, director de La Gaceta.

Fuent: http://www.vilaweb.cat/noticia/3979884/20120203/zaplana-possible-president-rtve.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.