Zaragoza en Común defiende que “l’augua y a enerchía son dreitos basicos y no mercadería”

Os candidatos Teresa Artigas y Paco Iturbe planteyoron ahiere a creyación de dos entes 100% publicos que chestionen istes recursos. Asinasmesmo, Paco Iturbe subrayó que "Zaragoza ha de sentir-se argüellosa d'os suyos paisaches y biodiversidat, pero tamién ha de protecher-los, como por eixemplo o Parque Estepario"

photo1349065424262697041

Paco Iturbe, candidato de Zaragoza en común, ahiere en a gambada por os paisaches de Zaragoza (Foto: Zaragoza en Común)

“O meyo ambient ye una politica que ha d’estar transversal y que engloba conceptos como augua, aire, birolla… y tot ixo repercute dreitament en a salut y a calidat de vida d’as personas”. D’iste modo, o candidato de Zaragoza en Común, Paco Iturbe, encetó a suya explicación en a visita guiada “Os paisaches de Zaragoza refleixaus en l’Ebro”, destacando que o cudiau y protección de l’entorno mas cercano ye una competencia y responsabilidat dreitament municipal. De conchunta con a candidata Teresa Artigas y con un grupo de paseantes, han recorriu un tramo d’a ribera de l’Ebro.
Precisament Teresa Artigas fació una esfensa vehement d’a chestión publica d’istes recursos, porque “l’augua y a enerchía son dreitos basicos y no una mercadería”. En iste sentiu, ha expresau a voluntat de Zaragoza en Comun de creyar un ente publico t’a enerchía “mesmo estudiando a posibilidat que sía generador d’enerchías renovables, y que sirva tamién ta esfender os intréses d’a ciudadanía frent a las grans interpresas enercheticas”. Asinasmesmo, o Concello ha d’estar exemplarizant en a eficiencia enerchetica y ha de proposar como obchectivo reducir o macelo ecolochico municipal. Respective a l’ente publico chestor de l’augua, Artigas ha indicau que ye important incorporar tanto l’abastecimiento como o saniamiento, que revise o funcionamiento de contratas y subcontratas.
Por lo que fa a la chestión d’os residuos urbans, Iturbe ha subrayau a importancia d’anteposar a reducción a o reciclache, abanzando enta l’horizont d’a reutilización (envases retornables). Amás, s’ha destacau a importancia d’eliminar productos toxicos que hue en día se vienen utilizando y que menazan a la salut publica de personas y animals, como o glifosato, un potent herbicida que ye cancericheno.

(Foto: Zaragoza en Común)

(Foto: Zaragoza en Común)

Paisaches de Zaragoza
“Zaragoza tiene un magnifico patrimonio natural, Zaragoza ha de sentir-se argüellosa d’os suyos paisaches y biodiversidat, pero tamién ha de protecher-los, como por eixemplo o Parque Estepario”. Asinas l’ha esfendiu Paco Iturbe, qui ha recordau que ista ye una reivindicación aprebada, pero que no ha estau desembolicada por falta de voluntat politica d’os gubiernos que ha teniu Zaragoza dica agora.

Fuent: http://zaragozaencomun.com/es/blog/defendemos-que-el-agua-y-la-energia-son-derechos-basicos-y-no-una-mercancia/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.