Zaragoza en Común ratifica sumar-se a la coalición Podemos – Izquierda Unida

O Plenario de Zaragoza en Común ratificó ahiere por a tarde l'alcuerdo de coalición

Foto: ZeC

Foto: ZeC

O Plenario de Zaragoza en Común ratificó ahiere de tardes l’alcuerdo de coalición emprendiu por Podemos e Izquierda Unida, asinas como a predisposición a completar as listas ta o Congreso d’os Deputaus y ta o Senau.

Zaragoza en Común ha evaluau as reunions mantenidas con diferents organizacions a lo largo d’a semana y ha valorau muit positivament l’alcuerdo dentre Podemos e Izquierda Unida a nivel estatal. L´alcuerdo deixa a puerta ubierta a sumar a atros actors politicos en comunidatz autonomas como Aragón. O Plenario de Zaragoza en Común ha decidiu por unanimidat unir-se legalment a la futura coalición aragonesa t’as proximas eslecions chenerals, que una vez inscrita iste viernes se concretará en os días venients.

Maribel Martínez, portavoz de Zaragoza en Común, ha afirmau “reclamamos a compleganza porque somos compleganza. Treballar por a unidat ye qualcosa que hemos feito siempre dende Zaragoza en Común”. Martínez ha penau por que Chunta Aragonesista y o PSOE aragonés “s’haigan devantau” d’a mesa de negociación d’una posible lista de cambeo t’o Senau. “Lambán -ha sinyalau- diz que no por orden de Madrit”.

Fer parte d’a futura coalición empentada por Podemos e Izquierda Unida implicará un “activo papel” de man de Zaragoza en Común. a organización municipalista ha aprebau en o Plenario o suyo predisposición ta completar as listas de dita coalición tanto en o Congreso, como en o Senau. Una ofierta que s’habrá d’analisar y concretar mientres os proximos días con a composición final d’organizacions que ferán parte finalment d’a coalición.

Amás d’ista ofierta ta completar as listas, Zaragoza en Común mete a la disposición d’a candidatura unitaria o suyo capital politico como espacio plural de partius politicos y personas independients. Tamién a formulación churidica con a qual concorrió a las eslecions municipals Ganemos Zaragoza y a puesta en marcha dentro d’a coalición, de mecanismos post electorals de control que ya se fan adintro de ZeC, como a rendición de cuentas ciudadanas.

Zaragoza en Común pretende que a suya presencia en una coalición de cambeo en as proximas eslecions chenerals reflexe propuestas programaticas tals como l’autonomía y a financiación local, que afectan a o municipio de Zaragoza a nivel estatal y a las vecinas y vecins.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.