Pedro Santisteve: “Zaragoza en Común vien d’o 15M”

Pedro Santisteve, de Zaragoza en Común, acusó a o Partiu Popular de no estar-ie feitos a rendir cuentas t'a ciudadanía.

Imachen d'o debat entre Santisteve y Suárez, moderau por  (Foto: Juan Manzanara)

Imachen d’o debat entre Santisteve y Suárez, moderau por Inma Otal.
(Foto: Juan Manzanara)

Ahiere, solo que quatro días antes d’as eslecións municipals que se celebrarán iste domingo, tenió puesto en o Centro Laín Entralgo de Zaragoza una acalorada rufierta d’entre Pedro Santisteve, de Zaragoza en Común, y Eloy Suárez, Partiu Popular, totz dos candidatos a l’alcaldía d’a capital aragonesa.

Eloy Suárez fació oyius xordos quantas veces d’as aclaricións de Pedro Santisteve, qui l’explicó que “Zaragoza en Común tien o suyo orichen en o 15M”. O candidato d’o PP tamién enristió con ETA, baza que tamién chugó Esperanza Aguirre en un debat con Manuela Carmena, de Ahora Madrid, candidatura achirmanada con Zaragoza en Común. Pedro Santisteve acusó alavez a o PP “d’haber emponzonyau a politica” y de “no estar-ie feitos a rendir cuentas a la ciudadanía”.

O candidato de Zaragoza en Común tamién preguntó a Suárez sobre qué heba feito él, como diputau en Madrit por Zaragoza, “t’aturar a sangría de corrupción que bi ha en o Partiu Popular”, con más de 1.500 imputaus en as suyas ringleras.

A trobada se convocó por o rete social Twitter y provocó tal expectación que bi habió chent que no podió dentrar-ie, en estar l’aforo completo. Amás, arredol de 230 dispositivos yeran connectaus t’a emisión en directo a traviés de YouTube. A gravación d’a rufierta se puede veyer en iste enlaz (puncha aquí).

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.