Zaragoza en Común ye a candidatura que más tuitea en aragonés

Seguntes o ranking d'Indigenous Tweets, Zaragoza en Común sería a candidatura que más fa servir iste idioma en o rete red social.

Captura de pantalla an que se muestran os 17 primers puestos d'o ranking

Captura de pantalla an que se muestran os 17 primers puestos d’o ranking

Seguntes o Censo de Población y Viviendas de 2011, a ciudat de Zaragoza, con 7184 zaragozanos fablants d’aragonés, ye o municipio con más aragonesofablants (un 28% de totz os aragoneses que charran iste idioma). Por ixo, un d’os obchectivos que s’ha marcau Zaragoza en Común ye visibilizar ista luenga, y van por o buen camin, ya que dende o suyo escomencipie, Zaragoza en Común, ha visibilizau l’aragonés en os retes socials, mas que mas en Twitter, an que tienen dos cuentas, una en castellan (@zaragozaencomun) y la versión d’sta en aragonés, (@zgzencomun), con más de 1,170 seguidores.

Prou que o empenyo d’ista candidatura de confluyencia ciudadana ha plegau luent, pues seguntes a zaguera actualización d’o ranking de Indigenous Tweets (en o qualo se puet rechistrar cualsiquier usuario y que analisa o numero de tweets que cada cuenta fa en diferents luengas minoritarias), @zgzencomun ocupa, con 1,595 tweets en aragonés, o puesto 17º d’una lista de 157, estando o usuario d’una plataforma politica que más tuitea en ista luenga. Un muit buen puesto tenendo en cuenta que no tiene que bells meses de vida. D’atra man, ye a que mayor porcentache de tuitz en aragonés escribe d’entre os 120 primers usuarios.

A cuenta de @zgzencomun, no ha feito honra solo que ta visibilizar l’aragonés, que tamién ha feito cenyos en asturianu, galego, catalan u mesmo griego a atrás candidaturas similars.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.