Zaragoza se compromete con o manifiesto +Cultura a petición d’IU

A traviés d’una interpelación de Izquierda Unida, os obchectivos d’a plataforma +Cultura s’han meso sobre a mesa en a Comisión de Cultura y Educación celebrada iste maitín en o Concello de Zaragoza. O portavoz d’o grupo municipal de Izquierda Unida, José Manuel Alonso, s’ha dirichiu a Jerónimo Blasco ta conoixer “si l’equipe de gubierno comparte os prencipios y obchectivos planteyaus por o movimiento Mas Cultura, Mas Aragón”. Blasco ha contestau afirmativament, tot y que José Manuel Alonso li ha recordau que “muitos d’os planteyamientos formulaus por ista plataforma ciudadana van en contra d’a politica cultural que s’ha levau a cabo dica agora dende o Gubierno, pero tamién dende o concello d’a capital”.

Alonso tamién ha defendiu que “a cultura ye como una inversión, como un dreito que chenera buenpasar social, como un motor de progreso, y por ixo, como una valor que as institucions han de empentar”.

Precisament istos diyas, a Plataforma +Cultura ha cilebrau as chornadas Aragón, Comunidad Cultural, en que s’ha riflexionau sobre a politica cultural aragonesa y o paper d’as institucions en ella.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.