Zaragoza s’unirá a activistas de tot o mundo por “Un billón en piet” ta meter fin a la violencia contra as mullers

Un flashmob a ran mundial demandará a fin d'a violencia contra as mullers. Será o chueves 14, en Zaragoza en a Pza. d'o Pilar

one-billion-risingA Pantera Rossa aculle dos citas ubiertas y colectivas ta organizar en Zaragoza l’acción global d’a campanya mundial “Un billón en piet” ta detener a violencia contra as mullers y as ninas. L’acción global en forma de flahmob será iste chueves, 14 de febrero, a las 20.00 horas en a Plaza d’o Pilar y as citas previas son hue martes, de 20.00 a 21.30 horas y maitín miercols, d’11.30 a 14.00 horas.

Zaragoza s’unirá a activistas de tot o mundo por “One billion rising” (“Un billón en piet”), o mayor día d’acción en a historia de V-Day, o movimiento activista global ta meter fin a la violencia contra as mullers y as ninas.

“One billion rising” prencipió como un clamamiento a l’acción sobre a base d’a estadistica de que una de cada tres mullers en a planeta son trucadas u violadas mientres a suya vida. Ista cifra replega a mas de mil millons de mullers y ninas. O 14 de febrero de 2013, Zaragoza s’unirá a activistas, escritors, pensadors, celebridatz y as mullers y os hombres en tot o mundo ta expresar a suya indignación y exichir a fin d’a violencia contra as mullers.

“Un billón en piet” moverá a tierra, mullers y hombres bailando de vez en totz os países. V-Day quiere que o mundo veiga a nuestra fuerza colectiva, os nuestros numeros y a nuestra solidaridat dillá d’as mugas. Numerosas escuelas y colectivos de tot o mundo ensayan a coreografía.

Fuent: http://arainfo.org/2013/02/zaragoza-se-unira-a-activistas-de-todo-el-mundo-por-un-billon-en-pie-para-poner-fin-a-la-violencia-contra-las-mujeres/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.