Zaragoza viste de flors a la suya patrona

A presidenta Rudi marcha ta Madrid a cilebrar a "Fiesta nacional de España" seguntes anuncia o Gubierno

Inte d'a ofrenda a la Virchen d'o Pilar

Inte d'a ofrenda a la Virchen d'o Pilar

As obras d’o tranvía, con o consiguient cambeo de recorriu, no han impediu a os zaragozans y atros muitos aragoneses y foranos portiar flors a la virchen d’o Pilar. Vestius con traches tipicos de totas as redoladas d’o país, milentas de presonas han quiesto fer homenache a la virchen.

A mosica tamién ha alcompanyau o diya, mientres que desfilaban, muitas collas, organizatas u no, han dixau as suyas notas volar enta o ciel d’a ciudat con ritmos d’aquí y tamién foranos, mesmo d’os cinco continents.

L’orache ha alcompanyau tot o recorriu que ha prencipiau bien luego iste maitín. Amás d’a ofrenda s’han cilebrau os tradicionals actos relichiosos en l’interior d’a basilica, asinas como a procesión por a plaza.

A presidenta Rudi, en Madrit

Mientres que a capital d’o país cilebra o diya gran d’as suyas fiestas y atras localidatz aragonesas como Fraga u Calanda, tamién en fan, a presidenta Luisa Fernanda Rudi ha estau en Madrit ta cilebrar o “Día nacional de España” como anunció ahiere o gubierno. Rudi contina asinas a tradición prencipiada por Marcelino Iglesias de marchar a Madrit a presenciar o desfile militar que cilebra o diya nacional espanyol.

Una rispuesta a Zaragoza viste de flors a la suya patrona

  1. Esprito aragonés

    A istos dos zaguers presidents d’Aragón pareix que no lis cuaca ni lis ha cuacato cilebrar a patrona de Zaragoza y Aragón (nunca no d’Espanya, que en ye a Inmaculada Concepción) y prefieren ir-se-ne ta Madrit antis de bi estar con o suyo pueblo. País!.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.