ZARPA y l’Asociación de fotografos buscan a o “can d’o verano”

L'esquilmen d'a campanya se destinará t'a protección de cans albandonaus

cartelL’Asociación “Zaragoza Protección Animal” (ZARPA) y l’Asociación de Fotografos Profesionals d’Aragón (AFPA) han encetau una nueva campanya a on que quieren trobar o “can d’o verano”. O cocho ganador conseguirá un book fotografico y un cabo de semana en a Posada Magoria d’Ansó (Chacetania) ta ell y dos personas. Qui quede en segundo y tercer puesto tamién ganará o cabo de semana.

Ta concursar-ie, os amos d’o can habrán de dentrar en belún d’os 17 estudios fotograficos que fan parti d’a campanya y fer-ie una foto a lo can. Se pueden portiar-ie toda mena de “accesorios estibers”, como lunetas, flotadors u banyador encara que os fotografos ya en tienen, por si os amos lo ixublidan. Nomás pueden participar-ie cans, no pas atras mascotas como mixins, aus u reptils de companyía. Ta fer-lo cal fer un donativo d’un euro que se destinarán t’a protección d’os cans que, como totz os veranos, apareixen albandonaus en ciudatz, lugars y carreteras. Seguntes informa ista organización, entre os centros de Penyaflor y Movera, se replegoron en 2012 bells 2000 cans albandonaus.

O plazo ta concusar durará dica lo 14 de setiembre. As fotos se irán penchando en o Facebook de ZARPA. Se puet trobar o listau de fotografos que se han adhibiu t’a campanya en a web de ZARPA.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.