Zarra o CPR de Fraga

Os retalles d'a consellera Serrat suposan o zarre d'o CPR de Fraga

Una conseqüencia mas d’os retalles executaus contra a Educación Publica aragonesa dende o Gubierno d’Aragón, ye o zarre y desaparición d’o Centro de Profesors y Recursos de Fraga (CPR). O viernes venient 13 de chulio se procederá a o zarre d’os locals d’o CPR y a la entrega d’a clau a o Concello.

Dende o CPR explican: “creyemos que cal estar allí con as nuestras chambretas verdas y contrimostrar nuestro refuse a los retalles en educación que, como ya sabetz, continan o suyo curso”.

Y adhiben, “a desaparición d’o CPR suposa o desmantelamiento d’o centro de referencia de formación d’o profesorau y d’emparo lochistico a totz os prochectos que se desembolican en as aulas y que tanto han contribuiu a que a nuestra escuela haiga amillorau muitismo en os zaguers 20 anyos.”

Ta rematar, dende o CPR Fraga convocan “o proximo viernes 13 de chulio a las 12.00 horas en a puerta d’o CPR de Fraga ta protestar, una vez mas, por ista agresión a o nuestro sistema educativo publico”.

 

Fuent: http://arainfo.org/2012/07/los-recortes-de-la-consejera-serrat-suponen-el-cierre-del-cpr-de-fraga/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.